Kryeministri shqiptar, Edi Rama të hënën në Prishtinë

17:50 | 24 Shtator 2021
Gita

Kryeministri i Shqipërisë, Edi Rama, do të vizitojë Kosovën të hënën e 27 shtatorit pas kthimit të tij nga Shtetet e Bashkuara të Amerikës, transmeton Shqip.com.

Rama dhe një pjesë e kabinetit qeveritar do të udhëtojnë të hënën drejt Prishtinës për një vizitë një-ditore.

Vizita e kryeministrit Rama vjen pas ftesës së kryeministrit të Kosovës, Albin Kurti, kur ky i fundit e uroi me rastin e zgjedhjes për herë të tretë kryeministër i Shqipërisë, raporton ‘Euronews.al’.

Kjo është hera e parë që Rama viziton Prishtinën zyrtarisht që kur është formuar qeveria e re e Kosovës me në krye Albin Kurtin.

Ndërkaq, ai po merr pjesë në sesionin e 76-të të Asamlesë së OKB-së që po mbahet në New York. Në këtë asamble po merr pjesë edhe presidentja e Kosovës, Vjosa Osmani.